WASIWASI WAIKUMBA LIVERPOOL DHIDI YA SUAREZ, ANAWEZA KUONDOKA ENGLAND KWA KUCHOSHWA NA ADHABU ZA FA DHIDI YAKE.

KLABU ya Liverpool inafikiri kifungo cha mechi 10 cha Luis Suarez kwa kumng'ata Branislav Ivanovic kinaweza kumlazimihsa kuondoka England.

 

Klabu hiyo Anfield ilishitushwa na kupatwa mfadhaiko juu ya adhabu kali ya Suarez na ina wasiwasi mshambuliaji huyo wa Uruguay atahisi hana chaguo lingine zaidi ya kuhama mwishoni mwa msimu.

 

Amekuwa akihusishwa kwa kiasi kikubwa na kuhamia klabu za Bayern Munich, Paris Saint-Germain na Juventus, na sasa anaweza kuzungumzia mipango hiyo na wakala wake,  Pere Guardiola — kaka wa kocha ajaye Bayern, Pep — na wanasheria wake.

Nimerudi: Luis Suarez amerejea mazoezini jana huku FA ikimpa adhabu kali

Suarez mazoezini na Liverpool, hapa akichuana na Dan Agger

Nyama mbichi: Suarez akimng'ata Branislav Ivanovic katika mechi ya Ligi Kuu England Uwanja wa Anfield

Liverpool inasistiza inamtaka Suarez abaki Merseyside kumalizia mkataba wake wa miaka minne.

Lakini wanaweza kumuacha kijana huyo mwenye umri wa miaka 26 aondoke kama anafikiri hatendewi haki.

Suarez anaweza kukata rufaa lakini, Jumatano, Mwenyekiti wa klabu ya mashabiki wa Liverpool alimtaka akae kimya, akubaliane na adhabu.

Akionyesha mfano: Refa Kevin Friend, akionyeshwa na Ivanovic alivyong'atwa na Suarez

ADHABU YAKE INAFANANISHWA NA ZA AKINA NANI?

MIEZI TISA

Eric Cantona (Manchester United): kwa kumpiga teke la ‘kung-fu' shabiki wa Crystal Palace mwaka 1995
Mark Bosnich (Chelsea): baada ya vipimo kuthibitisha anatumia cocaine mwaka 2003

MIEZI NANE

Rio Ferdinand (Manchester United): Kutotokea kwenye vipimo vya dawa za kulevya mwaka 2003

MECHI 12

Duncan Ferguson (Rangers): Kumpiga teke la kichwa John McStay wa Raith mwaka 1994
Joey Barton (QPR): Kufanya vurugu baada ya kutolewa nje mwaka 2012

MECHI 11

Paolo Di Canio (Sheffield Wednesday): kumsukuma refa Paul Alcock mwaka 1998

MECHI 10

Kevin Keegan (Liverpool) na Billy Bremner (Leeds): kwa kupigana kwenye mechi ya Ngao mwaka 1974
David Prutton (Southampton): kumsukuma refa Alan Wiley mwaka 2005

MECHI TISA

Paul Davis (Arsenal): kumsukuma Glenn Cockerill mwaka 1998MECHI NANE

Luis Suarez (Liverpool): Hila za kibnaguzi kwa Patrice Evra mwaka 2011

MECHI TANO

Roy Keane (Man United): kukiri alimuumiza Alf-Inge Haaland wa Man City

Kifungo hicho kitamfanya mchezaji huyo akae benchi katika mashindano ya ndani hadi Septemba — ingawa atakuwa huru kuichezea Uruguay katika Kombe la Mabara Juni — lakini ana muda wa kuamua mchana wa leo kama atakata rufaa dhidi ya adhabu hiyo.

Na taarifa ya FA imesema: "Luis Suarez amesimamishwa kwa mechi 10 baada ya kikao cha kamati ya kanuni kumkuta na hatia.

"(Wao) waliona adhabu ya mechi tatu ya FA haitatosha kwa kitendo hicho na mchezaji huyo alihitaji kufungiwa mechi saba zaidi. 

"Adhabu inaanza mara moja.

Liverpool itaendeela kusimama upande wa Suarez, na licha ya hatua alizochukua ni yeye atakayeamua kukata rufaa na amewahidiwa sapoti ya kutosha.

Tayari wana tahadhari, wakipoteza rufaa wanaweza kushuhudia Suarez akiongezewa adhabu.

Wakati nyota huyo wa Uruguay alipofungiwa mechi saba baada ya kumng'ata kiungo wa PSV Eindhoven, Otman Bakkal Novemba 2010, hakupambana na adhabu hiyo iliyotolewa na Ajax na FA ya Uholanzi.

Mkurugenzi Mtendaji wa Liverpool, Ian Ayre amesema: "Wote klabu na mchezaji tumeshitushwa na kufadhaishwa na hatua ya Kamati ya Kanuni.

Tunasubiri sababu za kimaandishi kabla ya kuzungumzia zaidi,".

Kocha wa Liverpool, Brendan Rodgers hajazungumzia hadharani tatizo hilo tangu baada ya sare ya 2-2 Jumapili dhidi ya Chelsea lakini anatarajiwa kuzungumza na Waandishi wa Habari leo.

Mfuate: Suarez akigombana na Patrice Evra mwaka 2011 ambayo ilimfanya afungiwe mechi nane

'JELA ALIZOSWEKWA' SUAREZ  LIVERPOOL

MECHI 10...
Kumng'ata Branislav Ivanovic - Aprili 24, 2013  

MECHI 8...
Hila za kibaguzi kwa Patrice Evra - Desemba 20, 2011

MECHI 1...
Kadi tano za njano - Desemba 1, 2012 

MECHI 1...
Kushangilia kwa kebehi mbele ya mashabiki wa Fulham - Desemba 5, 2011 

JUMLA YA KIFUNGO: Mechi 20.

 

 

CHANZO/BinZubeiryBlogs.